මත්ද්‍රව්‍ය උවදුර පාලනය කිරීම සඳහා ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන්ගේ ප්‍රධානත්වයෙන් විශේෂ කමිටුවක් පත් කර ඇති බව අමාත්‍ය ටිරාන් අලස් පැවසීය.
මෙරට මත්ද්‍රව්‍ය උවදුර පාලනය කිරීම සඳහා වන කාරක සභාව පසුගියදා මහජන ආරක්ෂක අමාත්‍යවරයාගේ ප්‍රධානත්වයෙන් රැස් වූ අතර එහිදී මත්ද්‍රව්‍ය උවදුර පාලනය කිරීම සම්බන්ධයෙන් පොලීසිය, අන්තරායකර ඖෂධ පාලක ජාතික මණ්ඩලය සහ මධ්‍යසාර පිළිබඳ ජාතික අධිකාරිය ගෙන ඇති ක්‍රියාමාර්ග පිළිබඳව සාකච්ඡා කර තිබේ.
එහිදීඉ නිලධාරීන් ඉදිරිපත් කළ යෝජනා සහ අදහස් සැලකිල්ලට ගෙන එම කමිටුව වෙත වාර්තාවක් ඉදිරිපත් කරන බවයි අමාත්‍යවරයා සඳහන් කළේ.