වැලිකන්ද – කන්දකාඩු පුනරුත්ථාපන මධ්යස්ථානයෙන් ඊයේ (11) පස්වරුවේ රැඳවියන් 200කට ආසන්න පිරිසක් පළාගොස් තිබුණා.
එලෙස පළාගිය පිරිසෙන් මේ වනවිටත් 60කට වැඩි රැඳවියන් පිරිසක් පුලස්තිපුර පොලිසිය වෙත භාර වී ඇති බවයි වාර්තා වුණේ.
මෙලෙස භාර වූ රැඳවියන් අද (12) දිනයේ පොළොන්නරුව මහේස්ත්රාත් අධිකරණ වෙත ඉදිරිපත් කිරීමට නියමිතව තිබෙනවා.
පුනරුත්ථාපන මධ්යස්ථානයේ ඇති වූ ආහාර ගැටළුවක් මුල්කරගෙන මෙම රැඳවියන් පිරිස මෙලෙස මධ්යස්ථානයෙන් පළාගොස් ඇති බවයි මේ වනවිට තොරතුරු වාර්තා වන්නේ.
මෙලෙස පළාගිය රැඳවියන් කන්දකාඩු පුනරුත්ථාපන මධ්යස්ථානයේ සිට කිලෝමීටරක් 15ක් පමණ දුර ගෙවා සෝමාවතිය රක්ෂිතයට ඇතුළුවීමට උත්සාහ දරා ඇති බවයි අප වාර්තාකරු සඳහන් කළේ.
ආරක්ෂක අංශ මඟින් පළාගිය රැඳවියන් සොයා තවදුරටත් විමර්ශන සිදුකරන බවයි වාර්තා වන්නේ.