ප්රකට අමතර පන්ති ගුරුවරයෙකු වන ‘සක්විති රණසිංහ’ නැමැත්තාට සහ ඔහුගේ හිටපු බිරිඳ කුමාරි අනුරාධනී නැමැත්තියට කොළඹ මහාධිකරණය විසින් රුපියල් ලක්ෂ 18 බැගින් දඩ නියම කර තිබෙනවා.
මූල්ය සමාගම් පනත උල්ලංඝනය කරමින් සමාගමක් පවත්වාගෙන යෑම සහ ඒ සඳහා ආධාර අනුබල දීම යන අධිචෝදනාවලට වරද පිළිගැනීම හේතුවෙනුයි ඔවුන්ට මෙලෙස දඩ නියම කර ඇත්තේ.
විනිසුරුවරයා නියෝග කර ඇත්තේ එම දඩය නොගෙවන්නේ නම් මාස 24 බැගින් බරපතළ වැඩ සහිත සිර දඬුවම් විඳීමට සිදුවන බවයි.
2006 වසරේ දී ශ්රී ලංකා මහ බැංකුවේ අනුමැතියකින් තොරව මූල්ය සමාගමක් පවත්වාගෙන යෑම ඇතුළු චෝදනාවලට මොවුන් දෙදෙනා වරදකරු වී තිබේ.