ඊයේ (13) රාත්රියේ කඩුවෙල පාලම අසළ සිදු වූ අනතුරකින් යතුරුපැදිකරුවෙකු ජීවිතක්ෂයට පත්ව තිබෙනවා.
අසනීප තත්ත්වයක් හේතුවෙන් කඩුවෙල පාලම අසල මාර්ගයේ අයිනට වන්නට නවතාගෙන සිටි යතුරුපැදිය එක්වරම පාර දෙසට පෙරළී යාමත් සමඟ යතුරුපැදිකරු ඒ අසළින් ගමන් කළ ලොරි රථයේ පිටුපස රෝදයට හසුවී එම ස්ථානයේදීම ජීවිතක්ෂයට පත්වි තිබේ.
මෙලෙස අනතුරෙන් ජීවිතක්ෂයට පත්ව ඇත්තේ මත්තේගොඩ හමුදා කඳවුරට අනුයුක්තව සේවය කළ අවුරුදු 33 ක තරුනයෙක් බවයි පොලීසිය සඳහන් කළේ.
කඩුවෙල පොලිසිය වැඩිදුර පරික්ෂණ සිදුකරයි.