වාලච්චේන, ඊච්චයිඅඩි ප්රදේශයේදී අලි වැටකින් විදුලි සැර වැදී පුද්ගලයින් දෙදෙනෙකු ජීවිතක්ෂයට පත්ව තිබෙනවා.
පොලීසිය පැවසුවේ අනවසරයෙන් කුඹුරු ඉඩමකට ඇද තිබූ අලි වැටකින් විදුලි සැර වැදී මොවුන් දෙහ්දෙනා ජීවිතක්ෂයට පත්ව ඇති බවයි.
මෙලෙස මියගොස් ඇත්තේ වයස අවුරුදු 21 සහ 51ක් වූ කුඩුම්බිමලේ සහ කෝරාවලී යන ප්රදේශවල පදිංචි පුද්ගලයින් දෙදෙනෙකි.
මියගිය පුද්ගලයින් දෙදෙනාගේ මෘත ශරීර මේ වන විට වාලච්චේන රෝහලේ මෘත ශරීරාගාරයේ තැන්පත් කර තිබෙනවා.
සිද්ධිය සම්බන්ධයෙන් එම ඉඩමේ සැකකරු අත්අඩංගුවට ගෙන ඇති අතර වාලච්චේන පොලිසිය විසින් වැඩිදුර විමර්ශන සිදුකරනු ලබයි.