බදුල්ල සිට මාකුඹුර දක්වා ධාවනය වෙමින් තිබූ අධි සුඛෝපබෝගී බස් රථයක් අද (04) ඇල්ල, රාවණා ඇල්ල මාර්ගයේ බෑවුම් සහිත ප්රදේශයේ දී අනතුරකට ලක්ව තිබෙනවා.
අද අලුයම 5 ට පමණ මෙම අනතුර සිදුව ඇති බවයි අප වාර්තාකරු පැවසුවේ.
අනතුර සිදුවන අවස්ථාවේදී බස් රථය තුළ මගීන් 40 ක් පමණ සිට ඇති අතර මගීන් කිසිවෙකුටත් හානියක් සිදුව නැහැ.
බස් රථයේ තිරිංග එකවර ක්රියාත්මක නොවීම හේතුවෙන් මෙම අනතුර සිදුව ඇති අතර මාර්ගයේ ඉහළින් තිබූ ගල් කැබලි රියදුරු සිටින දිශාවට වැටීමෙන් රියදුරු තුවාල ලබා බදුල්ල ශික්ෂණ රෝහල වෙත ඇතුළත් කර තිබෙනවා.