මහ මැතිවරණයට තැපැල් ඡන්ද අයදුම්පත් භාරගැනිමේ දිනය හෙට මධ්‍යම රාත්‍රී 12 දක්වා දීර්ඝ කර තිබෙනවා.
අයදුම්පත් භාර ගැනීම ඊයේ මධ්‍යම රාත්‍රී 12 වන විට අවසන් වීමට නියමිත තිබුණා.
එහෙත් තැපෑලේ දී සිදුවිය හැකි ප්‍රමාදවීම් හා කොමිෂන් සභාව වෙත කළ ඉල්ලීම අනුව දිනය දිර්ඝ කිරීමටයි පියවර ගැනුනේ.
සම්පුර්ණ කරන ලද තැපැල් ඡන්ද අයදුම් පත්‍ර අද සහ හෙට යන දෙදින තුළ තැපෑලට භාර නොදී / දිස්ත්‍රික් මැතිවරණ කාර්යාවලට රැගෙනවිත් භාරදීම වඩා යෝග්‍ය බවයි මැතිවරණ කොමිෂන් සභාව පවසන්නේ.
කිසිදු හේතුවක් මත තැපැල් ඡන්ද අයදුම්පත් භාර ගැනීමේ දිනය දීර්ඝ නොකරන බව මැතිවරණ කොමසාරිස් ජනරාල් සමන් ශ්‍රී රත්නායක මහතා අවධාරණය කරනවා.