ඉදිරි වසර පහ තුළ ජනතාවට සහනදායී මිලකට පෝෂණීය මත්ස්ය ආහාර ලබාදීම ප්රධාන ඉලක්කය – නියෝජ්ය අමාත්ය රත්න ගමගේ
ඉදිරි වසර පහ අවසන් වන විට මෙරට ජනතාවට පෝෂණීය මත්ස්ය ආහාර සහනදායී මිලකට ලබා ගැනීමේ හැකියාව ඇති පරිසරයක් නිර්මාණය කිරීම ධීවර, ජලජ සහ සාගර සම්පත් අමාත්යාංශයේ ප්රමුඛතම අරමුණ බව එම අමාත්යාංශයේ නියෝජ්ය අමාත්ය රත්න ගමගේ මහතා ප්රකාශ කළේය.
ඔහු සඳහන් කළේ, සරලව පැවසුවහොත් ජනතාවට ලාභදායී මිලකට මත්ස්ය ආහාර වේලක් භුක්ති විඳීමට අවශ්ය පහසුකම් සහ වටපිටාව සකස් කිරීම අමාත්යාංශයේ මූලික වගකීම බවයි.
මෙම අරමුණු සහ සැලසුම් සියල්ල ඉදිරි වසර පහක කාලසීමාව තුළ ක්රියාත්මක කර සාර්ථකව ඉටු කිරීම අමාත්යාංශයේ ප්රධාන වැඩපිළිවෙළ වන බවද නියෝජ්ය අමාත්යවරයා අවධාරණය කළේය.
වැඩිදුරටත් අදහස් දක්වමින් රත්න ගමගේ මහතා පැවසුවේ, ඉදිරි වසර පහ අවසන් වන විට රටේ ජනතාවට පෝෂණීය ආහාර වේලක අත්යවශ්ය අංගයක් වන මත්ස්ය ආහාර සහනදායී මිලකට ලබාගැනීමේ අවස්ථාව සලසා දීම තම අමාත්යාංශයේ ප්රමුඛ කාර්යභාරය බවයි.
එමෙන්ම, එක් පුද්ගලයෙකු දිනකට සාමාන්යයෙන් ග්රෑම් 65ක පමණ මත්ස්ය ප්රමාණයක් පරිභෝජනය කිරීම සුදුසු මට්ටමක් ලෙස සැලකෙන බැවින්, ඒක පුද්ගල මත්ස්ය පරිභෝජනය එම ප්රශස්ත මට්ටම දක්වා ඉහළ නැංවීමද අමාත්යාංශයේ වගකීමක් බව ඔහු සඳහන් කළේය.
ඒ සමඟම, ධීවර කර්මාන්තය මගින් දළ දේශීය නිෂ්පාදිතයට ලබාදෙන දායකත්වය තවදුරටත් වර්ධනය කිරීම, මත්ස්ය අපනයන ආදායම ඉහළ නැංවීම සහ විදේශ විනිමය රටට ගෙන එන ශක්තිමත් කර්මාන්තයක් ලෙස මෙම ක්ෂේත්රය සංවර්ධනය කිරීමද ඉදිරි වසර පහ සඳහා නියම කර ඇති ප්රධාන ඉලක්ක අතර වන බව නියෝජ්ය අමාත්ය රත්න ගමගේ මහතා වැඩිදුරටත් ප්රකාශ කළේය.