ඉරානය විසින් ගල්ෆ් කලාපයේ රටවල් ඉලක්ක කර ගනිමින් සිදුකරන ප්රහාර තවදුරටත් ව්යාප්ත වීමත් සමඟ හෝමූස් සමුද්ර සන්ධිය හරහා සිදුවන බලශක්ති ප්රවාහනයට ඇති අවදානම ඉහළ ගොස් තිබේ. මේ හේතුවෙන් ලෝක වෙළෙඳපොළේ බොරතෙල් මිල නැවත වරක් ඉහළ යාමක් වාර්තා කර ඇත.
ඒ අනුව බ්රෙන්ට් වර්ගයේ බොරතෙල් බැරලයක මිල ඩොලර් 2.34කින් එනම් 3.08%කින් ඉහළ ගොස් ඇති අතර, එය ඩොලර් 78.35ක් ලෙස සටහන් වී තිබේ.
එමෙන්ම WTI වර්ගයේ බොරතෙල් බැරලයක මිලද ඩොලර් 2.21කින් හෙවත් 3.09%කින් වැඩි වී ඇති අතර, එහි නව මිල ඩොලර් 73.62ක් ලෙස දැක්වේ.
ජාත්යන්තර බලශක්ති ඒජන්සිය විසින් නිකුත් කළ මාසික වාර්තාවට අනුව, ජූනි මාසයේදී ලෝක තෙල් සැපයුම දිනකට බැරල් මිලියන 4.1කින් ඉහළ ගොස් ඇතත්, එය යුද්ධයට පෙර පැවති සැපයුම් මට්ටමට වඩා දිනකට බැරල් මිලියන 9.4කින් තවමත් පහළ මට්ටමක පවතී.
එම වාර්තාවේ විශ්ලේෂකයින් සඳහන් කර ඇත්තේ, සති අන්තයේදී තත්ත්වය තවත් උග්ර වීමත් සමඟ, මෑතදී ආරම්භ වූ ගැටුම් සඳහා කෙටි කාලයක් තුළ විසඳුමක් ලැබෙනු ඇතැයි තිබූ බලාපොරොත්තු පිළිබඳව සැක මතුවිය හැකි බවයි.