රෙජිස්ට්රාර් ජනරාල් දෙපාර්තමේන්තුව මගින් ක්රියාත්මක කරන ඊ-ජනගහන ලේඛන වැඩසටහන යටතේ ඩිජිටල් මරණ සහතික නිකුත් කිරීමේ නව දත්ත පද්ධතිය නිල වශයෙන් එළිදැක්වීම රාජ්ය පරිපාලන, පළාත් සභා හා පළාත් පාලන අමාත්ය මහාචාර්ය චන්දන අබයරත්න මහතාගේ ප්රධානත්වයෙන් (23) බත්තරමුල්ලේ රෙජිස්ට්රාර් ජනරාල් දෙපාර්තමේන්තු ශ්රවණාගාරයේදී සිදු කර තිබෙනවා.
මීට පෙර භාවිත වූ අතින් ලියන ලද මරණ සහතිකය වෙනුවට පරිගණක දත්ත පද්ධතියක් මඟින් මෙම ඩිජිටල් මරණ සහතික නිකුත් කිරීම සිදු කරනු ලබයි.
මෙලෙස ඩිජිටල් පද්ධතියක් මඟින් මරණ සහතික නිකුත් කිරීම හරහා නිරතුරු යාවත්කාලීන කරන ලද පුද්ගල දත්ත පද්ධතියක් පවත්වා ගැනීමටත්, විවිධ ආයතන අතර කාර්යක්ෂමව දත්ත හුවමාරු කිරීමටත් හැකියාව ලැබෙන අතර ආරක්ෂිතව දත්ත ගබඩා කිරීම මඟින් තොරතුරුවල සුරක්ෂිතතාව ද තහවුරු වනවා.
මෙහිදී නිකුත් කරනු ලබන සෑම මරණ සහතිකයකම සත්යතාව පද්ධතිය හරහා ක්ෂණිකව පරීක්ෂා කරගත හැකි පරිදි විශේෂ QR කේතයක් අඩංගු කර ඇති අතර, මෙම සහතික මුද්රණය කරනු ලබන්නේ ආරක්ෂිත ක්රමවේද ඇතුළත් කරන ලද විශේෂිත කඩදාසියකයි.
මෙම වැඩසටහනේ කළුතර දිස්ත්රික්කය මුල් කරගනිමින් ක්රියාත්මක නියමු ව්යාපෘතිය යටතේ කළුතර දිස්ත්රික්කයේ පදිංචිව සිටි පුද්ගලයෙකුට අදාලව මුද්රණය කරන ලද පළමු මරණ සහතිකය කළුතර දිස්ත්රික් ලේකම් එච්. එම්. එස්. පී. හේරත් මහතා වෙත ප්රදානය කළා.