2023 වසරේ මේ දක්වා කාලය තුළ මෙරටට පැමිණි සංචාරකයින් සංඛ්‍යාව මිලියනය ඉක්මවා යාමට නියමිතය.
අද (26) දහවල් 12.45ට ශ්‍රී ලංකන් ගුවන් සේවයට අයත් යූ එල් 504 දරණ ගුවන් යානයෙන්ද මෙරටට සංචාරකයින් පිරිසක් පැමිණීමට නියමිතය.
එම සංඛ්‍යාවත් සමඟ මෙරටට පැමිණි සංචාරකයින් සංඛ්‍යාව මිලියනය ඉක්මවා යන බවයි සංචාරක ප්‍රවර්ධන අධිකාරිය සඳහන් කළේ.
ඔවුන් පිළිගැනීම සඳහා ගුවන් තොටුපළ පර්යන්තයේ විශේෂ උත්සවයක්ද සංවිධාන කර ඇති බවයි වාර්තා වන්නේ.