විදුලි බිල නැවත වරක් ඉහළ දැමුව හොත් ඊට සාපේක්ෂව බේකරි නිෂ්පාදනවල මිල ගණන්ද ඉහළ දැමීමට සිදුවන බව දකුණු පළාත් කුඩා හා මධ්‍ය පරිමාණ බේකරි හිමියන්ගේ සංගමය පවසයි.
ඊයේ (02) ගාල්ලේ පැවති මාධ්‍ය හමුවට එක්වෙමින් දකුණු පළාත් කුඩා හා මධ්‍ය පරිමාණ බේකරිහිමියන්ගේ සංගමයේ සභාපති කමල් පෙරේරා කියා සිටියේ ඉන්ධන මිල ඉහළ දැමීම හමුවේද තමන් දැඩි අපහසුතාවයට පත් වී ඇති බවයි.
මේ වනවිට යළිත් වරක් විදුලි බිල ඉහළ දැමීමේ පුවත කරළියට පැමිණ ඇත්තේ විදුලි ගාස්තු සංශෝධනය කිරීමට විදුලිබල මණ්ඩලය, මහජන උපයෝගීතා කොමිසමෙන් ඉල්ලීමක් කිරීමත් සමඟයි.