අනුරාධපුරය, පුංචිකුලම ප්‍රදේශයේදී වන අලි දෙදෙනෙකු අතර ඇති වූ ගැටුමකින් වන අලියෙකු බරපතල තුවාල ලබා තිබෙනවා.
මෙම වන අලි ගැටුම සම්බන්ධයෙන් ජනතාව අනුරාධපුර වනජීවි දෙපාර්තමේන්තුවට දැනුම් දීමෙන් පසු ඊයේ පෙරවරුවේ වනජීවි නිලධාරීන් පිරිසක් මෙලෙස ගැටුනු වන අලි දෙදෙනා සොයා සෝදිසි මෙහෙයුම් අරඹා තිබෙනවා.
එහිදී පුංචිකුලම රක්ෂිතය තුළ බරපතළ තුවාල ලබා සිටි අලියෙකු ඔවුන්ට හමු වී තිබේ.
වනජීවී නිලධාරීන් පැවසුවේ ගැටුම හේතුවෙන් අලියාගේ හොඬවැල බොහෝ තුවාල ඇති බැවින් ශල්‍යකර්මයකට භාජනය කරන බවයි.