ආහාරයට ගත් කෙසෙල් ගෙඩියක කැබැල්ලක් සිරවීමෙන් පුද්ගලයෙක් ජීවිතක්ෂයට පත්ව තිබේ.
මෙලෙස ජීවිතක්ෂයට පත්ව ඇත්තේ පන්නිපිටිය, හිරිපිටියේ පදිංචි 64 හැවිරිදි හෙට්ටි කංකානමලාගේ ලක්ෂ්මන් හෙට්ටි පතිරණ නමැති නාවික හමුදාවේ විශ්‍රාමික තාක්ෂණ නිළධාරියෙකි.
පෙනහැල්ලේ කෙසෙල් කැබැල්ලක් සිරවීමෙන් ඇතිවූ අසාත්මිකතාවක් හේතුවෙන් ප්‍රතිකාර සඳහා මොහු හෝමාගම මූලික රෝහලට ඇතුළත් කිරීමෙන් අනතුරුවයි ජීවිතක්ෂයට පත්ව ඇත්තේ.
මෙම පුද්ගලයා වසර කිහිපයක සිට රෝගාතුරව කල් ගත කර ඇති අතර ඔහුගේ බිරිඳ විසින් ඔහුට ඇප උපස්ථාන කර තිබේ.