එක්දින ක්‍රිකට් ලෝක කුසලාන තරගාවලියේ නෙදර්ලන්තය සමඟ පැවති තරගයේ දී ආබාධයකට ලක් වූ මහීෂ් තීක්ෂණගේ තත්ත්වය බරපතළ නොවන බව ඉන්දියාවෙන් වාර්තා වනවා.
මහීෂ් තීක්ෂණට බැංගලෝරයේ දී සිදුකළ ස්කෑන් පරීක්ෂාවකින් පසුව මේ බව තහවුරු වී තිබෙනවා.
මේ අතර ශ්‍රී ලංකා කණ්ඩායම ලෝක කුසලාන තරගාවලියේ දී මුහුණදෙන මීළඟ තරගය එංගලන්ත කණ්ඩායම සමඟ බැංගලෝරයේ දී පැවැත්වීමට නියමිතයි.
දඟ පන්දු යවන ක්‍රීඩක මහීෂ් තීක්ෂණ මෙම තරගය සඳහා ක්‍රීඩා කිරීමට නියමිත බවට ද තොරතුරු වාර්තා වුණා.
එම තරගය වෙනුවෙන් ශ්‍රී ලංකා කණ්ඩායම ඊයේ (22) බැංග්ලෝර් නුවරට පැමිණියා.