පසුගියදා පැවති 5 ශ්‍රේණිය ශිෂ්‍යත්ව විභාගයේ පිළිතුරු පත්‍ර ඇගයීම අද (26) ආරම්භ කර තිබේ.
නියෝජ්‍ය විභාග කොමසාරිස් ජනරාල් ලසික සමරකෝන් පැවසුවේ දිවයින පුරා මධ්‍යස්ථාන 434කදී එම කටයුතු සිදු කරන බවයි.
අද සිට ලබන 31 වැනිදා දක්වා විභාගයේ පිළිතුරු පත්‍ර ඇගැයීමටයි සැලසුම් කර ඇත්තේ.
2023 ශිෂ්‍යත්ව විභාගය පසුගිය 15 වැනිදා දිවයින පුරා පිහිටි විභාග මධ්‍යස්ථාන 2,888 කදී පැවැත්වුණු අතර ඊට ඉදිරිපත් වූ සිසුන් සංඛ්‍යාව තුන් ලක්ෂ 37,596 කි.