තලවාකැලේ සිට පූඩලුඔය දක්වා ප්‍රධාන මාර්ගයේ කොස්ගහවත්ත ප්‍රදේශයේ රථවාහන තදබදයක් හටගෙන ඇති බව පූඩලුඔය පොලිසිය පවසයි.
පූඩලුඔය දෙස සිට තලවාකැලේ දෙසට ධාවනය වූ ත්‍රිරෝද රථයක් කොස්ගහවත්ත ප්‍රදේශයේදී බස් රථයකට ඉඩ ලබාදීමට යාමේදී ගලක සිරවීම හේතුවෙන් එම මාර්ගයේ ගමනාගමනයට බාධා එල්ල විය.
විකල්ප මාර්ග නොමැතිවීම හේතුවෙන් මෙම මාර්ගය හරහා වාහන ගමන් කිරීමට නොහැකිව රථවාහන තදබදයක් හටගෙන ඇති බවයි පොලිසිය පැවසුවේ.
එමෙන්ම රථවාහන පොලිස් ඒකකය එම ස්ථානයට ගොස් රෝදයේ සිරවී තිබූ ත්‍රිරෝද රථය නිරුපද්‍රිතව ගොඩගැනීමට පියවර ගත්තා.
