අස්වැසුම ගෙවීමේ ක්‍රමය පුළුල් කිරීමට සහ පවතින ගැටලු විසඳීම සඳහා ලබන 06 වැනිදා සිට විශේෂ සතියක් ක්‍රියාත්මක කිරීමට මුදල් අමාත්‍යාංශය තීරණය කර තිබේ.
මෙම විශේෂ සතිය ලබන 11 වැනිදා දක්වා ක්‍රියාත්මක කරන බව එම අමාත්‍යාංශය පවසයි.
අස්වැසුම ගෙවීම් යෝජනා ක්‍රමයේ පවතින ගැටලු කඩිනමින් නිවැරදි කර ගැනීමටත්, සුදුසුකම් ලත් ප්‍රතිලාභීන්ට ප්‍රමාදයකින් තොරව හිමිකම් ලබාදීම සහතික කිරීමටත් මෙම විශේෂ සතිය ක්‍රියාත්මක කෙරේ.
මෙතෙක් ලැබිය යුතු ප්‍රතිලාභ නොලැබුණු පවුල් සඳහා කඩිනමින් ආධාර ලබාදෙන බව මුදල් රාජ්‍ය අමාත්‍ය ෂෙහාන් සේමසිංහ පවසයි.