කාසල්රී සහ මවුස්සාකැලේ ජල පෝෂක ප්‍රදේශවලට තද වැසි ඇද හැලීම නිසා විමලසුරේන්ද්‍ර ජලාශය වාන් දැමීම ආරම්භ කර තිබෙනවා.
අද උදෑසන සිට මේ තෙක් විමලසුරේන්ද්‍ර ජල විදුලි බලාගාරය පිහිටි ප්‍රදේශවලට ඇදහැලෙන ධාරානිපාත වර්ෂාව මීට ප්‍රධානතම හේතුව බවයි අප ප්‍රාදේශීය වාර්තාකරු පැවසුවේ.
මේ හේතුවෙන් කැලණි ගඟෙහි ජල මට්ටමේ ද වැඩිවීමක් අපේක්ෂා කර තිබෙනවා.
එබැවින් ජලාශය අවට පහත් බිම්වල වෙසෙන ජනතාව දැඩි අවධානයෙන් කටයුතු කරන ලෙසටයි වාරි ඉංජිනේරුවරුන් ඉල්ලා සිටින්නේ.