ඊයේ (07) සවස කොළඹ ඇතුළු ප්‍රදේශ රැසක වර්ෂාවත් සමඟ ඇති වූ තද සුළං හේතුවෙන් කඩා වැටුණු ගස් ඉවත් කිරීමේ කටයුතු අවසන් කර තිබේ.
ගස් කඩා වැටීම හේතුවෙන් කොළඹ නගරයේ ප්‍රධාන මාර්ග සහ ද්විතීයික මාර්ග කිහිපයක් අවහිර වී ඇති අතර ඊයේ රාත්‍රියේ මෙම ගස් ඉවත් කළ බව කොළඹ මහ නගර සභාව පවසයි.
කොළඹ නගරයේ පමණක් ගස් 32ක් කඩා වැටී ඇති බව ආපදා කළමනාකරණ මධ්‍යස්ථානය පවසයි.
ගස් කඩා වැටීම හේතුවෙන් ඊයේ රාත්‍රියේ කොළඹ නගරයේ මාර්ගවල දැඩි රථවාහන තදබදයක් ඇති විය.