මීළඟ විදුලි බිල සංශෝධනයේදී ජනතාවට සහනයක් ලබාදීමට හැකිවනු ඇති බව ලංකා විදුලිබල මණ්ඩලය පවසයි.
මේ දිනවල ඇදහැලෙන වර්ෂාව හේතුවෙන් ජල විදුලි නිෂ්පාදනය ඉහළ ගොස් තිබීම මීට හේතුවයි.
මෙම තත්ත්වය ඉදිරියටත් පවත්වාගෙන යෑමට හැකි වුවහොත් මෙම සහනය ලබාදිය හැකි බවයි විදුලිබල මණ්ඩලයේ මාධ්‍ය ප්‍රකාශක විදුලි ඉංජිනේරු නොයෙල් ප්‍රියන්ත පැවසුවේ.
ඔහු වැඩිදුරටත් සඳහන් කළේ මේ වනවිට ජාතික විදුලි නිෂ්පාදනයෙන් සියයට 52ක් ජලයෙන් නිපදවන බවත් විදුලි බලාගාර ආශ්‍රිතව හොඳ වර්ෂාපතනයක් ලැබෙමින් පවතින බවත්ය.