අනුරාධපුර ජෝෂප් මහා විද්‍යාලය දෙස සිට ඊයේ (23) රාත්‍රියේ පැමිණි මෝටර් රථයක් මාර්ගයෙන් ඉවතට පැන අනතුරක් සිදුව තිබෙනවා.
පොලීසිය පැවසුවේ මෙම මෝටර් රථය මාර්ගයෙන් ඉවතට පැන අනුරාධපුර රෝහල් වටරවුම මතට වැටී අනතුර සිදුව ඇති බවයි.
තම මවට ඇතිවූ රෝගාබාධයක් හේතුවෙන් අනුරාධපුර ශික්ෂණ රෝහල වෙත රැගෙන එමින් තිබූ මෝටර් රථයකුයි මෙලෙස අනතුරට ලක්ව ඇත්තේ.
අනතුරින් දෙදෙනාටම සුළු තුවාල සිදු වී ඇති අතර ඔවුන් දෙදෙනා රෝහල්ගත කර තිබෙනවා.
මෝටර් රථයට සහ රෝහල් වටරවුමට දැඩි අලාභ හානි සිදු වී ඇති අතර අනුරාධපුර පොලීසියේ රථවාහන අංශය වැඩිදුර පරීක්ෂණ පවත්වයි.
