අද රට තියෙන්නේ අනාගතය ගැන නොබලන, නොහිතන නායකයෙකු අත බවත් රනිල් වික්‍රමසිංහ මින්පසු ජනාධිපතිවරණයකට කිසිසේත්ම නොඑන බව තමා හූණා කිව්වා සේ පවසන බවත් පාර්ලිමේන්තු මන්ත්‍රී විමල් වීරවංශ පැවසීය.
හෙතෙම මේ බව කියා සිටියේ අද (28) පාර්ලිමේන්තුවේදී අදහස් දක්වමිනි.
එමෙන්ම ජනාදිපතිවරයා ජාත්‍යන්තර සංවිධානයක තනතුරක් ලබාගෙන ඉදිරි කාලය වැජඹීමට බලාවි යැයි පැවසූ මන්ත්‍රීවරයා කියා සිටියේ ජනාධිපතිවරණ අපේක්ෂකයෝ දැන් ගොඩක් සිටින බවත් පඳුරකට ගැහුවොත් හැටක් විතර විසිවෙන බවත්ය.
ජනාධිපති පුටුවට ගිය පසු රනිල්ගේ සියලු කටයුතු අවසන් වන හෙයින් එතනින් එහාට මේ රටේ අනාගතය ගැන ඔහුට වගකීමක් නොමැති බවයි මන්ත්‍රීවරයා එහිදී අවධාරණය කළේ.