පාසල් ළමුන් හා තරුණ පිරිස් ඉලක්ක කර ගනිමින් මත්කරල් ජාවාරමේ යෙදුණු අයෙක් ඊයේ (03) අත්අඩංගුවට ගෙන තිබේ.
විශේෂ කාර්ය බලකාය අනුරාධපුර කඳවුරේ නිලධාරීන්ට ලද තොරතුරකට අනුව ඊයේ අනුරාධපුර පොලිස් වසමේ නව නුවර පාර, ගුවන් හමුදා කඳවුර අසල 4 කණුව හංදියේදී සිදු කළ වැටලීමකිනුයි මොහු අත්අඩංගුවට ගෙන ඇත්තේ.
මෙලෙස අත්අඩංගුවට ගෙන ඇත්තේ අනුරාධපුර, මාතලේ හංදිය ප්‍රදේශයේ පදිංචි අවුරුදු 23 ක තරුණයෙකු බවයි පොලීසිය පවසන්නේ.
මොහු සන්තකයේ තිබී මත් කරල් 250 ක් සොයාගෙන ඇති අතර අනුරාධපුර, සාලියපුර ප්‍රදේශයේ පදිංචි අවුරුදු 38 ක වෙනත් පුද්ගලයකුද මත් කරල් 150 ක් සමග අත්අඩංගුවට ගෙන තිබෙනවා.
මොවුන් දෙදෙනා වැඩිදුර විමර්ශන සඳහා අනුරාධපුර පොලිස් ස්ථානය වෙත භාර දී තිබෙනවා.