සාමාන්‍ය පෙළ විභාගයෙන් අඩු ප්‍රතිඵල ලැබූ සිසුවියක් දෙමාපියන්ගේ දෝෂාරෝපණ දරාගත නොහැකිව සියදිවි නසාගෙන තිබෙනවා.
මෙලෙස ජීවිතක්ෂයට පත්ව ඇත්තේ යාපනයේ අරාලි නැඟෙනහිර වලෙයි අම්මාන් වීදියේ පදිංචි 17 හැවිරිදි දැරියක් බවයි පොලීසිය පවසන්නේ.
මෙම දැරිය ඊයේ (05) සිය නිවසේදීයි ගෙල වැළලාගෙන සියදිවි හානි කරගෙන ඇත්තේ.
දැරියගේ මෘත දේහය යාපනය ශික්ෂණ රෝහලට රැගෙන යාමෙන් අනතුරුව පශ්චාත් මරණ පරීක්ෂණය පවත්වා තිබෙනවා.
අප වාර්තාකරු පැවසුවේ ඉන් අනතුරුව දේහය ඥාතීන් වෙත බාර දී ඇති බවයි.