ශ්රී ලංකාවාසීන්ට එලැඹෙන 14 වැනිදා ජෙමිනිඩ්ස් උල්කාපාත වර්ෂාවේ උච්චතමය අවස්ථාව දැක බලා ගැනීමට හැකියාව පවතින බව ආතර් සී ක්ලාක් මධ්යස්ථානය පවසයි.
ඒ අනුව ලබන 14 වැනිදා රාත්රී 9.00 න් පසු උතුරු, නැගෙනහිර අහසේ එය නිරීක්ෂණය කිරීමට හැකියාව පවතින බවයි ආතර් සී ක්ලාක් මධ්යස්ථානයේ ජ්යෙෂ්ඨ පර්යේෂණ තාරකා විද්යාඥ ඉන්දික මැදගංගොඩ සඳහන් කළේ.
ජෙමිනිඩ්ස් උල්කාපාත වර්ෂාව වසරේ දර්ශනීයම උල්කාපාත වර්ෂාවලින් එකක් ලෙස සැලකෙන අතර පෘථිවිය පයිතන් ග්රාහකයේ සුන්බුන් හරහා ගමන් කිරීමෙදී ග්රාහක කොටස් වායුගෝලය සමඟ ගැටීම හේතුවෙන් ජෙමිනිඩ්ස් උල්කාපාත වර්ෂාව දැකගැනීමේ හැකියාව පවතී.