දකුණු කොරියාවේ විපක්ෂ නායක ලී ජේ-මියුන් දකුණු වරාය නගරයක් වන බුසාන් හි සංචාරයක යෙදී සිටිය දී පිහි ප්‍රහාරයක් එල්ල වී තිබෙනවා.
ඔහුගේ ගෙල ප්‍රදේශයට මෙම පිහි ප්‍රහාරය එල්ල වී ඇති බවයි විදෙස් මාධ්‍ය වාර්තා කළේ.
නාඳුනන පුද්ගලයෙකු විසින් අද මෙම ප්‍රහාරය එල්ල කර ඇති අතර තුවාල ලැබූ විපක්ෂ නායකවරයා ප්‍රදේශීය රෝහලක් වෙත යොමු කිරීමට කටයුතු කර තිබෙනවා.
ප්‍රහාරය එල්ල කළ පුද්ගලයා එම ස්ථානයේදීම අත්අඩංගුවට ගෙන ඇති අතර ඔහු වයස අවුරුදු 50ත් 60ත් අතර වයසේ පසුවන අයෙක්.