මහ කන්නයේ පොහොර මිලදී ගැනීම සඳහා මුදල් ගොවීන්ගේ බැංකු ගිණුම් වෙත නිකුත් කිරීමට ගොවිජන සංවර්ධන දෙපාර්තමේන්තුවට දුන් මූල්ය ප්රතිපාදන අවසන් වී තිබේ.
ඒ සඳහා තවත් මිලියන 2000 ක් මහා භාණ්ඩාගාරයෙන් ඉල්ලා ඇති බවයි එම දෙපාර්තමේන්තුව පැවසුවේ.
එම මුදල් ලැබුණු වහා ගොවීන්ගේ ගිණුම් වෙත නිකුත් කිරීමට සැලසුම් කර ඇති අතර දැනට රුපියල් මිලියන 5000ක මුදලක් ගොවීන්ගේ ගිණුම් වෙත නිකුත් කර තිබෙනවා.
ගොවිජන සංවර්ධන දෙපාර්තමේන්තුව පැවසුවේ ගොවීන් 583,372 කට එම මුදල් නිකුත් කර ඇති බවයි.
එම සංඛ්යාව මහ කන්නයේ වී වගා කළ ගොවීන්ගෙන් 50% ක් පමණ වේ.