කොළඹ – මහනුවර මාර්ගයේ පෑලියගොඩ ප්‍රදේශයේදී සිදු වූ රිය අනතුරකින් පොලිස් නිලධාරියෙක් ජීවිතක්ෂයට පත්ව තිබෙනවා.
පොලීසිය පැවසුවේ තම යතුරුපැදිය පැදිකරුට පාලනය කර ගත නොහැකිව විදුලි පහන් කණුවක ගැටීමෙන් මෙම අනතුර සිදුව ඇති බවයි.
අනතුරින් බරපතළ තුවාල ලැබූ යතුරුපැදිකරු කොළඹ රෝහලට ඇතුළත් කර ඇති අතර ඉන් අනතුරුවයි ඔහු මියගොස් ඇත්තේ.
මෙලෙස මරණයට පත්ව ඇත්තේ කොල්ලුපිටිය පොලිස් ස්ථානයට අනුයුක්තව සේවය කළ 58 හැවිරිදි උප පොලිස් පරීක්ෂකවරයෙකි.
සිද්ධිය සම්බන්ධයෙන් පෑලියගොඩ පොලිසිය වැඩිදුර විමර්ශන සිදුකරනු ලබයි.