ලීටරයේ ප්ලාස්ටික් වතුර බෝතලයක නැනෝ ප්ලාස්ටික් පිළිකාකාරක අංශු 240,000ක් අඩංගු බව අනාවරණය වී තිබෙනවා.
අමෙරිකාවේ, කොළොම්බියා සරසවියේ විද්‍යාඥයන් පිරිසක් විසින් සිදු කළ නවතම පරීක්ෂණයකිනුයි මේ බව අනාවරණය වී ඇත්තේ.
ඒ අනුව බෝතල් කර ඇති එක් ජල ලීටරයක නැනෝ ප්ලාස්ටික් අංශු 110,000 සිට 400,000 දක්වා පවතින අතර එහි ඇතුළත් විෂ අංශු ප්‍රමාණය 240,000ක් බවයි එම විද්‍යාඥයින් පවසන්නේ.
ප්ලාස්ටික් බෝතලයකින් ජලය පානය කිරීමෙන් සිරුරට අහිතකර කුඩා පිළිකාකාරක අංශු ඇතුළත් වන බවත් නැනෝ ප්ලාස්ටික් අංශු ඉතාමත් විෂකර රසායනික ප්‍රභේදයක් වන අතර ඒවා ඉතා ඉක්මනින් සිරුර වෙත ඇතුළුවීමේ හැකියාවක් පවතින බවත් ඔවුන් අවධාරණය කරනවා.