රටපුරා රජයේ රෝහල්වල මේ වන විට අත්‍යවශ්‍ය ඖෂධ වර්ග 60 කට ආසන්න ප්‍රමාණයක හිඟතාවයක් පවතින බව සෞඛ්‍ය වෘත්තීයවේදීන්ගේ විද්වත් සංගමය පවසයි.
අත්‍යවශ්‍ය ඖෂධ ගෙන්වීමේ වැඩපිළිවෙලක් නොමැතිනම් වහාම මානුෂීය ආධාර ඉල්ලුම් කරන්නැයි ඔවුන් රජයෙන් ඉල්ලයි. ඖෂධ ආනයනය සඳහා රාජ්‍ය ඖෂධ නීතිගත සංස්ථාව විසින් ණයවර ලිපි නිකුත් කිරීමේදී සිදුවන ප්‍රමාදය, ජාතික ඖෂධ නියාමන අධිකාරිය විසින් ඖෂධ නැවත ලියාපදිංචි කිරීම මෙන්ම නව ලියාපදිංචියේදී ඇතිවන ප්‍රමාදය ආදී කරුණු මෙම ඖෂධ සඳහා බලපා ඇත.
මෙම හිග ඖෂධ අතර ජීවිතාරක්ෂක ඖෂධ තුනක්, හදවත් රෝගීන්ට, පිළිකා රෝගීන්ට, තැලසීමියා රෝගී දරුවන් මෙන්ම විවිධ සංකූලතා ඇති රෝගීන් සඳහා අත්‍යාවශ්‍ය වන ඖෂධ කීපයක්ද වන බව වාර්තා වෙයි.
ඉදිරි සති දෙකේදී මෙම ඖෂධ හිගය තවදුරටත් දරුණු වනු ඇතැයි ඔවුන් අවධාරණය කරයි.