අමෙරිකාවේ අයෝවා ප්‍රාන්තයේ පැවැති රිපබ්ලිකන් ප්‍රාථමික මැතිවරණය ජය ගැනීමට හිටපු ජනාධිපති ඩොනඩ්ල් ට්‍රම්ප් සමත් වී තිබෙනවා.
විදෙස් මාධ්‍ය වාර්තා කරන්නේ ඒ සඳහා පක්ෂ අපේක්ෂකයින් තෝරාපත් කරගැනීමේ පළමු අදියර ඊයේ (15) එරට අයෝවා ප්‍රාන්තයෙන් ආරම්භ වූ බවයි.
ෆ්ලොරිඩා ආණ්ඩුකාර රොන් ඩිසැන්ටිස් ඡන්ද විමසීමේ දෙවැනි ස්ථාන දිනාගෙන ඇති අතර ඔහු සහ අපේක්ෂක නිකී හේලි අතර දෙවැනි ස්ථානය සඳහා තියුණු තරගයක් පැවතුණු බවයි විදෙස් මාධ්‍ය වාර්තා කළේ.
අමෙරිකානු ජනාධිපතිවරණය මේ වසර අවසානයේ පැවැත්වීමට නියමිතය.