උඩුනුවර, වෙලම්බොඩ පොලිස් බල ප්‍රදේශයේ පිහිටි නිවසක ගෙවත්තේ තිබී අත් බෝම්බයක් සොයාගෙන තිබෙනවා.
පොලීසිය පැවසුවේ වෙලම්බොඩ, අඹගස්තැන්නේ නිවසක ගෙවත්ත සුද්ද පවිත්‍ර කිරීමට යාමේදී නිවැසියන්ට මෙම අත්බෝම්බය හමු වී ඇති බවයි.
ඉන්පසු නිවැසියන් විසින් මේ බව වෙලම්බොඩ පොලිසිය දැනුවත් කර තිබෙනවා.
ඉන්පසුව මහනුවර කඳවුරේ විශේෂ කාර්ය බලකායේ නිලධාරීන් එම ස්ථානයට පැමිණ ජීව අත් බෝම්බය පුපුරා හැරීමට කටයුතු කර තිබෙනවා.
සිද්ධිය සම්බන්ධයෙන් වැඩිදුර පරීක්ෂණ වෙලම්බොඩ පොලිසිය විසින් සිදුකරනු ලබනවා.