මිනිස් පරිභෝජනයට නුසුදුසු සහල් කන්ටේනර් 32ක් වරායෙන් මුදා ගැනීමට අනුමැතිය ලබාදීම සඳහා පාරිභෝගික අධිකාරියේ සූදානමක් පවතින බව පාරිභෝගික අයිතීන් සුරැකීමේ ජාතික ව්‍යාපාරය පවසනවා.
එහි සභාපති රංජිත් විතානගේ පැවසුවේ සත්ත්ව ආහාර සඳහා ලබා දීමට බව පවසමින් මෙම සහල් තොගය මුදා හැර වෙළදපොළේ ඇති සහල් සමඟ කළවම් කර අලෙවි කරන ජාවාරම්කරුවන් මෙම සිදුවීම පිටුපස සිටින බවයි.
පාරිභෝගික අධිකාරියේ අධ්‍යක්ෂ මණ්ඩලය හදිසියේම අද (19) දිනයේ කැඳවා ඇත්තේද එම සහල් තොගය මුදා ගැනීමට සඳහා සහයෝගය ලබා දීමට බවයි සභාපතිවරයා චෝදනා කරන්නේ.