මෙරටට පැමිණ සිටි නෙදර්ලන්ත ජාතික කාන්තාවකගේ ශරීරය ස්පර්ශ කිරීමට සහ මුහුණ සිප ගැනීමට උත්සාහ කළ බව කියන සංචාරක මග පෙන්වන්නෙකු කළුතර උතුර පොලිසිය විසින් අත්අඩංගුවට ගෙන තිබෙනවා.
පෙට්‍රොනෙල්ලා ඇග්නිටා මරියා නමැති 42 හැවිරිදි නෙදර්ලන්ත ජාතික කාන්තාවක විසින් කළ පැමිණිල්ලක් මතයි සැකකරු ඊයේ (25) අත්අඩංගුවට ගෙන ඇත්තේ.
පොලීසිය පැවසුවේ මෙලෙස අත්අඩංගුවට ගෙන ඇත්තේ වස්කඩුව ප්‍රදේශයේ පදිංචි 58 හැවිරිදි අයෙක් බවයි.
කෙසේවෙතත් ඔහු පැමිණිලිකාරිය සමග හිතවත්කමක් පවත්වා ඇති අයෙකු බවත් පොලීසිය පවසනවා.
අදාළ නෙදර්ලන්ත ජාතික කත වස්කඩුව ප්‍රදේශයේ නිවසක නවාතැන් ගෙන සිට ඇති අතර ඇය පෙරේදා (24) රාත්‍රියේ මත්පැන් පානය කර කාමරයේ නිදා සිටියදී සැකකරු ඇයට ලිංගික අතවර සිදුකර ඇති බවටයි පැමිණිල්ලේ සටහන්ව ඇත්තේ.
කාන්තාවකට ලිංගික අතවර කිරීමේ චෝදනාව යටතේ සැකකරු කළුතර මහේස්ත්‍රාත් අධිකරණයට ඉදිරිපත් කිරීමට නියමිතය.