වෙළඳසැලකට ඇතුළු වී කිරිපිටි ඇතුළු භාණ්ඩ සොරා ගත් කාන්තාවක් අත්අඩංගුවට ගෙන තිබෙනවා.
හොරණ පොලිසිය පැවසුවේ සොරකම සම්බධයෙන් වෙළඳසැලේ හිමිකරුවන් පොලිසිය කරන ලද පැමිණිල්ලකට අනුව මෙම කාන්තාව අත්අඩංගුවට ගත් බවයි.
මෙම කාන්තාව හොරණ, පොකුණුවිට ප්‍රදේශයේ වෙළඳසැලකට භාණ්ඩ මිලදී ගැනීම සඳහා ඇතුළු වී ඇති අතර ඇය භාණ්ඩ සොරාගන්නා ආකාරය වෙළෙඳසැලේ සවි කර ඇති සීසීටීවී කැමරාවක සටහන්ව තිබෙනවා.
ඇය කිරිපිටි ඇතුළු ද්‍රව්‍ය යටඇඳුමේ සඟවා ගන්නා ආකාරය එහි පැහැදිලිව සටහන් වී ඇති බවයි පොලීසිය සඳහන් කළේ.
වැඩිදුර විමර්ශනවලදී අනාවරණය වී ඇත්තේ අදාළ කාන්තාව පුරුද්දක් ලෙස දීර්ඝ කාලයක් මෙම සොරකම සිදු කරගෙන ගොස් ඇති බවයි.
අත්අඩංගුවට ගත් කාන්තාව අද (06) හොරණ මහේස්ත්‍රාත් අධිකරණයට ඉදිරිපත් කිරීමට නියමිතව තිබුණා.