ආගමන විගමන දෙපාර්තමේන්තුව වෙත ව්‍යාජ තොරතුරු ඉදිරිපත් කරමින් රාජ්‍ය තාන්ත්‍රික ගුවන් ගමන් බලපත්‍රයක් සකස්කළ බවට චෝදනා ලැබූ හිටපු අමාත්‍ය විමල් වීරවංශගේ බිරිඳ වන ශෂී වීරවංශගේ නඩු තීන්දුවක් අද (10) ප්‍රකාශයට පත් කිරීමට නියමිතය.
ඇයට එරෙහිව ඇති නඩු දෙකෙහි නඩු විභාග පසුගිය පෙබරවාරි 11 වැනිදා අවසන් කෙරුණු අතර ඒ අනුව එම නියෝග අද ලබාදීමට කොළඹ ප්‍රධාන මහේස්ත්‍රාත් බුද්ධික සී. රාගල පසුගිය නියම කළේය.
ශෂී වීරවංශ 1967 වසරේ ඉපිද ඇති නමුත් එය 1971 දී උපත ලැබූ බවට වෙනස් කරගෙන ඇති බවත් රහස් පොලිසිය එහිදී අධිකරණයට දැනුම් දුන්නේය.
ඇය අදාළ උපන් දින දෙක යටතේම ජාතික හැඳුනුම්පත් ලබාගෙන ඇති බවත් පොලිසිය අධිකරණය හමුවේ සඳහන් කර තිබේ.