මාර්ගයේ වී වේලමින් සිටි ගොවියෙකු මිය ගොස් ඇති බව පේදුරුතුඩුව පොලීසිය පවසනවා.
යාපනය, කොඩිකාමම් – පේදුරුතුඩුව ප්‍රධාන මාර්ගයේ මාක්කිරායි ප්‍ර‌දේශයේදී අද (12) උදෑසන සිදුවූ අනතුරකින් මෙම ගොවියා ජීවිතක්ෂයට පත්ව තිබෙනවා.
අනතුරින් මිය ගොස් ඇත්තේ මාක්කිරායි ප්‍රදේශයේ පදිංචි 46 හැවිරිදි ගොවියෙකි.
අප වාර්තාකරු සඳහන් කළේ මහ කන්නයේ වී අස්වැන්න නෙලීමෙන් පසුව නෙලාගත් වී අස්වැන්න වේලීම සඳහා මාක්කිරායි ප්‍රධාන මාර්ගයට දමා වී වේලමින් සිටියදී මෙම අනතුර සිදුව ඇති බවයි.
පලෙයි සිට පේදුරුතුඩුව දෙසට ධාවනය වූ යතුරුපැදියක ගැටීමෙන් බරපතල තත්ත්වයෙන් පසු වූ ගොවියා පේදුරුතුඩුව රෝහලට ඇතුලත් කිරීමෙන් පසුව මිය ගොස් තිබෙනවා.
උදෑසන කාලයේ පැවති මීදුම් තත්වය හේතුවෙන් යතුරුපැදිකරුට ගොවියා නොපෙනීමෙන් මෙම අනතුර සිදුවන්නට ඇති බවටයි පොලීසිය සැක පළ කරන්නේ.