බෝට්ටු මගින් ප්‍ර‍වාහනය කිරීම සඳහා සූදානම් කර තිබූ වියළි කේරළ ගංජා තොගයක් අත්අඩංගුවට ගෙන තිබෙනවා.
මත්ද්‍රව්‍ය නිවාරණය සඳහා දිවයින පුරා ක්‍රියාත්මක කර ඇති යුක්තියේ මෙහෙයුමට අනුවයි විශේෂ කාර්ය බලකාය විසින් මෙම අත්අඩංගුවට ගැනීම සිදු කර ඇත්තේ.
මුලතිව් විශේෂ කාර්ය බලකා කඳවුරට ලද තොරතුරක් මත ඊයේ (13) කයිට්ස් පොලිස් වසමේ නයනතිව් දූපතේ සුදු වැලි මුහුදු තීරය, 7 වෙනි කොටස යන ස්ථානයේදී මෙම වැටලීම සිදුකර තිබෙනවා.
එහි දී සැකකරුවෙකු නොමැතිව බෝට්ටු මගින් ප්‍ර‍වාහනය කිරීම සදහා සූදානම් කර තිබූ වියළි කේරළ ගංජා කිලෝග්‍රෑම් 20 ග්‍රෑම් 140 ක ප්‍රමාණයක් අත්අඩංගුවට ගෙන වැඩිදුර විමර්ශන කටයුතු සඳහා කයිට්ස් පොලිස් ස්ථානය වෙත භාර දී තිබෙනවා.
