මිනිස් සිරුරට ප්‍රබල ලෙස හානි කරන රූපලාවන්‍ය ආලේපන අලෙවි කළ වෙළෙඳසැල් 04ක් වටලා තිබෙනවා.
වලාන දූෂණ මර්ධන ප්‍රහාරක ඒකකය විසින් උපාය දූතයින් යොදවා ඊයේ (21) සිදු කළ මෙම වැටලීමේදී මෙලෙස සිරුරට අහිතකර ද්‍රව්‍ය අඩංගු ආලේපන තොගයක් සොයාගෙන තිබෙනවා.
පිටකොටුව දෙවන හරස් වීදියේදීයි මෙම වැටලීම සිදු කර ඇත්තේ.
එහිදී වයස අවුරුදු 22, 25, 45, 52 යන වයස්වල පසුවන කළගෙඩිහේන, මොරටුව, වත්තල ප්‍රදේශවල පදිංචිකරුවන් සිවුදෙනෙක් අත්අඩංගුවට ගෙන තිබෙනවා.
සිද්ධිය සම්බන්ධයෙන් පොලීසිය වැඩිදුර විමර්ශන සිදුකරනු ලබනවා.
