පොල්වතුර අපනයනයෙන් රුපියල් මිලියන 3439ක ආදායමක් උපයා ඇති බව පොල් සංවර්ධන අධිකාරිය පවසනවා.
ඊයේ (25) කෘෂිකර්ම හා වැවිලි කර්මාන්ත අමාත්‍යාංශයේදී පැවැති සාකච්ඡාවකදීයි අමාත්‍ය මහින්ද අමරවීර මේ බව ප්‍රකාශ කළේ.
එම සාකච්ඡාවේදී පොල් සංවර්ධන අධිකාරියේ සභාපති මහාචාර්ය රොෂාන් පෙරේරා පැවසුවේ පසුගිය වසරේ පෙබරවාරි මාසය තුළ පොල්වතුර අපනයනය කිරීමෙන් රුපියල් මිලියන 2705ක ආදායමක් උපයා ඇති බවයි.
ඒ අනුව පසුගිය වසරේ පෙබරවාරි මාසය හා සැසදීමේ දී එය රුපියල් මිලියන 734 ක ඉහළ යාමක් බවයි ඔහු සඳහන් කළේ.
වන සතුන්ගෙන් සිදුවන හානිය නිසා වාර්ෂිකව පොල්ගෙඩි මිලියන 300ක පමණ මෙරටට අහිමි වන බවත්, එම ප්‍රමාණයද රැකගන්නේ නම් මීට වඩා වැඩි ආදායමක් උපයා ගැනීමට හැකි වන බවත් ඔහු එහිදී පෙන්වා දී තිබෙනවා.