හිටපු ජනාධිපති මෛත්‍රීපාල සිරිසේනට අප්‍රේල් මස 4 වැනිදා අධිකරණය හමුවේ පෙනී සිටින්නැයි නියෝග කර තිබෙනවා.
ඒ පාස්කු ප්‍රහාරයට අදාළව ඔහු විසින් අපරාධ පරීක්ෂණ දෙපාර්තමේන්තුවට ලබා දුන් ප්‍රකාශය සම්බන්ධයෙන් ප්‍රකාශයක් සටහන් කරගැනීම සඳහායි.
අපරාධ පරීක්ෂණ දෙපාර්තමේන්තුව ඊයේ (28) මාළිගාකන්ද මහේස්ත්‍රාත් අධිකරණයට කරුණු වාර්තා කළ අතර එහිදී මහේස්ත්‍රාත් ලෝචනී අබේවික්‍රම විසින් මෙම නියෝගය ලබා දුන්නා.
හිටපු ජනාධිපති මෛත්‍රීපාල සිරිසේන පසුගිය 22 වැනිදා නුවරදී ප්‍රකාශයක් සිදු කරමින් පැවසුවේ පාස්කු ඉරුදින ප්‍රහාරය කළේ කවුදැයි තමා දන්නා බවයි.
ඒ අනුව වහාම ක්‍රියාත්මක වූ පොලීසිය මහජන ආරක්ෂක අමාත්‍ය ටිරාන් අලස්ගේ උපදෙස් පරිදි මේ සම්බන්ධයෙන් විමර්ශනයක් ආරම්භ කළා.