යුධ සමයේ LTTE ත්‍රස්තවාදීන් විසින් සඟවා තබන්නට ඇතැයි විශ්වාස කළ හැකි 81ම්ම් වර්ගයේ මෝටාර් අවියක් පෙරියතට්ටමුරු ප්‍රදේශයේදී පොලිස් විශේෂ කාර්ය බලකාය විසින් සොයාගෙන තිබෙනවා.
විශේෂ කාර්ය බලකාය වාකරේ කඳවුරේ නිලධාරීන්ට ලද තොරතුරකට අනුව ඊයේ (07) වාකරේ පොලිස් වසමේ පෙරියතට්ටමුරු ප්‍රදේශයේ දී සිදු කළ වැටලීමකදීයි මෙම මෝටාර් අවිය සොයාගෙන ඇත්තේ.
ප්‍රදේශයේ වගා කටයුතු සිදු කරමින් සිටි පිරිසකට 81ම්ම් වර්ගයේ මෝටාර් අවියක් හමු වී ඇති අතර ඒ බව පොලීසියට දැනුම් දී තිබෙනවා.
ඉන්පසු විශේෂ කාර්ය බලකා නිලධාරීන් එම ස්ථානයට ගොස් පරික්ෂා කර මෝටාර් අවිය නිලධාරීන් භාරයට ගෙන වැඩිදුර විමර්ශන කටයුතු සඳහා වාකරේ පොලිස් ස්ථානය වෙත භාර දී ඇත.
මෙම අවිය යුධ සමයේ LTTE ත්‍රස්තවාදීන් විසින් සඟවා තබන්නට ඇති බවයි සැක කෙරෙන්නේ.
