14 හැවිරිදි දැරියක් පැහැරගෙන යාමේ චෝදනාව මත 17 හැවිරිදි පිරිමි ළමයෙකු කාත්තන්කුඩි පොලිසිය විසින් අද (15) උදෑසන අත්අඩංගුවට ගෙන තිබෙනවා.
මෙම පිරිමි දරුවා දින කිහිපයක් කොළඹ රැඳී සිට නිවසට පැමිණ ඇති බවට ලැබුණු තොරතුරක් මත කාත්තන්කුඩි පොලිසිය එම තරුණයා අත්අඩංගුවට ගෙන ඇත.
පසුගිය 09 වැනිදා කුට්‍රවෙලි ග්‍රාම් ප්‍රදේශයට පැමිණි මෙම සිසුවා අදාළ දැරිය පැහැරගෙන කොළඹට රැගෙන ගොස් ඇති බවයි පොලීසිය පැවසුවේ.
ඔහු ඊයේ කොළඹ සිට යළි නිවසට පැමිණෙමින් සිටියදී කාත්තන්කුඩි පොලිසිය විසින් අත්අඩංගුවට ගෙන තිබෙනවා.
අත්අඩංගුවට ගත් තරුණයා මහේස්ත්‍රාත්වරයා වෙත ඉදිරිපත් කරන බවයි කාත්තන්කුඩි පොලිසිය පැවසුවේ.
අදාළ දැරිය වෛද්‍ය පරීක්ෂණයක් සඳහා මඩකලපුව ශික්ෂණ රෝහලට ඇතුළත් කර තිබෙනවා.
සිද්ධිය සම්බන්ධයෙන් කාත්තන්කුඩි පොලිසිය වැඩිදුර පරීක්ෂණ පවත්වනු ලබනවා.