වවුනියාව රෝහලේ ගැබිණි වාට්ටුවට ඇතුළත් කර සිටි ගැබිනි මවක් නාන කාමරය තුළ ලිස්සා වැටීමෙන් ජීවිතක්ෂයට පත්ව තීබ්නවා.
මෙලෙස මියගොස් ඇත්තේ මැදවච්චිය ප්‍රදේශයේ 34 හැවිරිදි මවක් වන අතර ඇය ඊයේ (22) රෝහලේ නාන කාමරයේදී ලිස්සා වැටී ඇති බවයි වාර්තා වන්නේ.
ඉන් අනතුරුව මව වහාම ශල්‍යාගාරයට රැගෙන වෛද්‍යවරුන් විසින් සැත්කමක් සිදුකර ඇයගේ කුස තුළ සිටි දරුවා බේරා ගැනීමට කටයුතු කර තිබෙනවා.
කෙසේනමුත් මවගෙන් අධික ලෙස රුධිරය වහනය වීම නිසා බිළිඳා ද කුසේදීම ජීවිතක්ෂයට පත්ව ඇති බවයි වාර්තා වන්නේ.
මියගිය ගැබිණි මවගේ මෘත දේහය පශ්චාත් මරණ පරීක්ෂණය සඳහා වවුනියාව මහ රෝහලේ තැම්පත් කර තිබෙනවා.