අවිස්සාවේල්ල – උක්වත්ත ප්රදේශයේ නිවසක් කොල්ලකෑමට පැමිණි පුද්ගලයෙකු එම නිවසේම ඉදිරිපිට වැටී මියගොස් තිබෙනවා.
පොලීසිය පැවසුවේ ඊයේ (16) පෙරවරුවේ මෙම සිද්ධිය සිදුව ඇති බවයි.
උක්වත්ත ප්රදේශයේ අලුතින් ඉදිකරමින් තිබූ නිවසකට ඇතුළු වූ සොරෙකු එම නිවසේ තිබූ ජංගම දුරකථනයක් සොරාගෙන නිවසේ තාප්පයෙන් පැන යාමට උත්සාහ කිරීමේදී ඉන් වැටී මිය ගොස් තිබෙනවා.
මෙලෙස මියගොස් ඇත්තේ 45 හැවිරිදි පුද්ගලයෙකු බවයි පොලිසිය පැවසුවේ.
සිද්ධිය අවිස්සාවේල්ල පොලිසියට වාර්තා කිරීමෙන් පසු අවිස්සාවේල්ල පොලිසිය පරීක්ෂණ ආරම්භ කර තිබෙනවා.
මියගිය සැකකරු මෙතෙක් හඳුනාගෙන නොමැති බව පොලිසිය පවසයි.
සිද්ධිය සම්බන්ධයෙන් අවිස්සාවේල්ල පොලිසිය වැඩිදුර පරීක්ෂණ පවත්වනු ලබනවා.