දුම්රිය මාර්ගයේ බස් රථයක් ධාවනය කළ බස් රථ රියදුරෙක් ඇඹිලිපිටිය පොලීසිය විසින් අත්අඩංගුවට ගෙන තිබෙනවා.
මෙම රියදුරු ඊයේ (02) අවිස්සාවේල්ල, තුම්මෝදර ප්‍රදේශයේ දී මෙලෙස බස් රථය අනාරක්ෂිත ලෙස දුම්රිය මාර්ගයේ ධාවනය කර තිබුණා.
මෙලෙස අත්අඩංගුවට ගත්තේ සූරියවැව – කොළඹ බස් මාර්ගයේ ධාවනය කරන පුද්ගලික බස් රථයක රියදුරෙක්.
අත්අඩංගුවට ගැනුණු රියදුරා ඇඹිලිපිටිය, මොරකැටිය ප්‍රදේශයේ පදිංචි 45 හැවිරිදි වියේ පසුවන අයෙක් බවයි වාර්තා වන්නේ.
සිදුකළ විමර්ශනවල දී හෙළි වී ඇත්තේ සැකකාර රියදුරුගේ රියදුරු බලපත්‍රය මීට පෙර අවස්ථාවක බීමත්ව රිය ධාවනය කිරීමේ වරදට අධිකරණය විසින් මාස 04ක කාලයක් සඳහා අත්හිටුවා තිබිය දී මෙලෙස බස් රථය ධාවනය කර ඇති බවයි.