ජාතික ජන බලවේගය සහ ඉලංගෙයි තමිල් අරසු කච්චි පක්ෂය අතර විශේෂ හමුවක් අද (11) පෙරවරුවේ යාපනයේදී පැවැත්වුණා.
යාපනයේ සංචාරයක නිරත අනුර කුමාර දිසානායක ප්‍රමුඛ කණ්ඩායමක් ඉලංගෙයි තමිල් අරසුකච්චි පක්ෂයේ නායක මාවෙයි සේනාධිරාජා ඇතුළු පිරිස හමු වී සුහද කතාබහක ද නිරත වී තිබෙනවා.
අද (11) උදෑසන යාපනය, මාර්ටින් පාරේ පිහිටි ඉලංගෙයි තමිල් අරසුකච්චි පක්ෂ කාර්යාලයේදීයි මෙම හමුව පවත්වා ඇත්තේ.
මෙහිදී ජනාධිපතිවරණය ඇතුළු දේශපාලන අර්බුදය සම්බන්ධයෙන් විවිධ කරුණු පිළිබඳව සාකච්ඡා කෙරිණි.
එමෙන්ම විපක්ෂ නායක සජිත් ප්‍රේමදාස ප්‍රමුඛ කණ්ඩායම ද ඊයේ ඉලංගෙයි තමිල් අරසු කච්චි පක්ෂයේ නායකයින් හමු වී සාකච්ඡාවක නිරත වී තිබෙනවා.