තීරුබදු රහිතව මෙරටට ගෙන්වනු ලැබූ විවිධ වර්ගයේ දුම්වැටි එක්ලක්ෂ විසිදහසක් සමඟ සැකකරුවන් තිදෙනෙකු පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.
ඊයේ (16) වෙරළබඩ පොලිස් වසමේ කොළඹ 10 ප්‍රදේශයේදී සිදු කළ හදිසි වැටලීමකදීයි මොවුන් අත්අඩංගුවට ගෙන ඇත්තේ.
එහිදී මෙරටට හිමි විය යුතු විශාල තීරුබදු මුදලක් අහිමි කරමින් කෝටි දෙකකට ආසන්න වෙළෙඳපොළ වටිනාකමක් සහිත විවිධ වර්ගයේ නීතිවිරෝධී දුම්වැටි එක්ලක්ෂ විසිදහසක් සන්තකයේ තබාගෙන සිටි තිදෙනෙකු අත්අඩංගුවට ගෙන තිබෙනවා.
පොලීසිය පැවසුවේ මෙලෙස අත්අඩංගුවට ගත් තිදෙනා මාළිගාවත්ත සහ කොළඹ 10 ප්‍රදේශවල පදිංචි වයස අවුරුදු 32 – 45 අතර වයසේ පසුවන පුද්ගලයන් බවයි.
අත්අඩංගුවට ගත් තිදෙනා වැඩිදුර විමර්ශන කටයුතු සඳහා වෙරළබඩ පොලිස් ස්ථානය වෙත භාර දී තිබෙනවා.