නීතිවිරෝධී ලෙස මුහුදු මාර්ගයෙන් තමිල්නාඩුවට ඇතුළු වූ ශ්රී ලාංකිකයින් දෙදෙනෙකු අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ පුත්තලම දිස්ත්රික්කයේ පදිංචි පුද්ගලයින් දෙදෙනෙකු බවයි වාර්තා වන්නේ.
මොවුන් දෙදෙනා රාමේෂ්වරම් අසළ ධනුෂ්කොඩි වෙරළ තීරයට පැමිණ ඇති බවට ලද තොරතුරක් මත රාමේෂ්වරම් පොලිසිය විසින් අත්අඩංගුවට ගෙන තිබෙනවා.
මොවුන් දෙදෙනා සරණාගතයින් ලෙස තමිල්නාඩුවට පැමිණියේ ආර්ථික අර්බුදයක් හේතුවෙන්ද නැතිනම් පැහැරගැනීම්වලට සම්බන්ධද යන්න පිළිබඳව බරපතළ විමර්ශනයක් සිදුවෙමින් පවතී.